Tamos acabante ver l’esquema de l’acentuación que vimos l’añu pasáu.
Vamos repasalu agora pente medies d’esta actividá interactiva del portal PuertuAsturies, adaptada pol vuestru maestru del añu pasáu Xulio Berros:
Pica na imaxen
Seguramente la más interesante serie documental sobre oficios asturianos, tema que tamos tratando en Sestu, ye la realizada nel añu 2011 por Jaime Santos nos conceyos del suroccidente asturianu. Patrocinada pol Grupu de Desarrollu Rural del Altu Narcea Muniel.los, el conxuntu de cuatro curtios documentales presentaos sol títulu de “Guardianes de la cultura rural”, retrata’l mou tradicional de trabayar el fierro, la blima, la madera o’l barru nesta zona d’Asturies.
Cunqueiros o ferreiros son les persones encargaes non solo de presentanos los sos oficios, sinón tamién de d’esponer los interrogantes que se planteguen de cara a la continuidá del so llabor.
Vamos ver esti primer documental sobre los conqueiros del conceyu de Degaña, y aprovechando vamos comentar aquelles cuestiones llingüístiques que nos llamen l’atención, rellacionándoles coles característiques de les variantes del asturianu que yá vimos l’añu pasáu, ¡a ver si somos quien!
Poniendo escuela 