Pregón del Amagüestu

L’asignatura de Llingua Asturiana collaboró col Amagüestu d’esti añu cola llectura d’un pregón que corrió a cargu de los alumnos d’asturianu de Sestu de Primaria Nora y Álvaro.

¡Norabona, salió perbien!

Esti yera’l testu:

Voi cuntavos la historia

la carbayera Santurio

una viesca bien llantada

polos vecinos en xunto

Santurio ye una parroquia

del conceyu de Xixón

onde s’asitia’l Lloréu

de los coles, el meyor

El casu fue qu’un bon día

los vecinos de Santurio

enrabietaos de fame

taben consumiendo en vida

Nun daba’l güertu patates

Nin les fabes xorrecíen

asina que decidieron

pensar a ver qué facíen

Llamaron Conceyu Abiertu

a la vera l’arbolón

y ehí axuntóse’l pueblu

a buscar la solución

Nin los vieyos nin los mozos

yeren a topar salida

hasta qu’una neña dixo:

¡Yá lo tengo! ¡Ye la mía!

Esplicó mui brevemente

los detalles del asuntu

pa nun pasar yá más fame

teníen de trabayar xuntos

Asina neños y neñes,

vieyes y paisanones

xubieron hasta la llomba

la que taba allálantrones

Plantaron les castañales

una a una y con bon xeitu

y enxamás pasaron fame

a la llegada l’iviernu

Y ye que los amagüestos

amás de cantar y baillar

trátase de recordar

la importancia de lo nuestro

Lo nuestro ye compartir

les castañes y la sidra

recordando que toos xuntos

llevamos meyor la vida

Asina qu’Álvaro y Nora

vos vamos a desear

que paséis un bon magüestu

y venga ¡Toos a xintar!

Nora nun te m’adelantes

que primero va la danza

a garranos de les manes

y cantar ¡que’l tiempu pasa!

Tienes razón no que dices

y siento l’aceleramientu

que yá me ruxen les tripes

gracies y ¡hasta otru momentu!

¡Puxa Asturies!

¡Puxa Xixón!

¡Puxa’l Lloréu!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s