Proyectando los medios de comunicación n’asturianu

Llegamos al final del cursu y tamién al final de la nuestra escolarización na asignatura de Llingua Asturiana na Educación Primaria.

iStock_000002099178XSmall-795394Nesti tipu tenemos aprendío munches coses sobre l’asturianu, tanto la manera d’escribilu correctamente como otres cuestiones de tipu más social.

Como propuesta final vamos realizar un proyectu de publicación n’asturianu. Pero primero, vamos ver dalgunos medios de comunicación y programes que yá esisten nesti idioma:

PERIÓDICOS DIXITALES:

Asturies.com , Asturnews , asina como dalgunos artículos y espacios n’asturianu n’otros medios como La Nueva España, El Comercio, etc.

PROGRAMES DE TELEVISIÓN:

Cantadera, Camín, Clave de fondo, De folixa en folixa, Día de mercáu, Güelos, La Bolera, La quintana de Pola, Pieces, etc.

Depués realizaremos la siguiente actividá:

1. Organizámonos en grupos de cinco, asumiendo les siguientes funciones: tres redactores, un maquetador y un coordinador.

2. Ellaboramos dellos artículos sobre la visita a Xixón: Pasáu fabril del barriu (Fábrica de Moreda y Loza y cases d’obreros), Muséu Barjola y evolución de la ciudá, Muséu Jovellanos, l’ilustráu y el barriu de Cimavilla; y l’arquitectura en Xixón.

3. Ellaboraremos un periódicu dixital ayudándonos de la ferramienta de maquetación.

La casería y les sos partes

Dientro del centru d’interés de l’arquitectura, que tamos trabayando esti trimestre con Quintu, vimos la casería, como máximu representante de l’arquitectura de tipu popular.

A partir de les ferramientes “Google Maps”, “Microsoft Picture Manager” y “PicPick”, qu’aprendimos a usar con esti trabayu; ellaboramos una imaxen na que se pueden ver les partes d’una casería tradicional.

Dalgunos de nosotros y nosotres ficímoslo amás localizando nel mapa les caseríes de les nuestres families, lo cual tien doble méritu.

Estos son los nuestros trabayos:

This slideshow requires JavaScript.

Los nuestros árboles

Nesti trimestre tamos viendo les característiques del monte asturianu. Ún de los elementos fundamentales d’ésti son los sos árboles.

Como vas ver hai unes especies que suelen tar presentes en tolos montes. Son: El CARBAYU, la FAYA, la CASTAÑAL, el TEXU, l’ABLANAL, o’l FRESNU.

La xera que vos propongo ye:

1. Escueyi l’árbol que más te preste.

2. Pica enriba del nome que tienes enriba pa topar más información.

3. Recueyi na llibreta los siguientes datos:

Datos del árbol y dibuxu de la fueya y el frutu.

Datos del árbol y dibuxu de la fueya y el frutu.

Facemos una receta

L’antroxu ye’l tiempu les llambiotaes: casadielles, picatostes, frixuelos…. vamos lleer esta receta y pensar qué ye lo que queremos cocinar:

INGREDIENTES:
– 4 güevos
– 1 llitru de lleche.
– 4 cayaraes grandes d’azucre.
– 200 gramos de fariña.
– Aceite y una sartén.
ELLABORACIÓN:
Primero batimos los güevos, depués echámos-y l’azugre y la lleche. A lo último la fariña, entemeciéndolo too mui bien.
Ponemos la sartén a calentar con un chorrín d’aceite y vamos friendo la masa, cada vuelta la cantidá qu’entra nuna garciella, y durándola per cada llau.
Pa rematar vamos poniéndolos ún enriba d’otru, echándo-yos penriba azucre y canela.

¿Sabes de qué ye esta receta?

Agora escueyi ún de los platos siguientes y escribi nun documentu de word los ingredientes y la ellaboración coles tos palabres. Recuerda que tien de ser n’asturianu.