IMPORTANTE: Conciertu 7 de xunu

RECORDATORIU PA LES FAMILIES DE CARA AL CONCIERTU NEL JOVELLANOS

Los neños y neñes tienen de tar a les 10.30 hores na puerta del Teatru pa facer l’ensayu xeneral. El conciertu empieza a les 12.00.

Entrarán conmigo per una puerta llateral y, acabáu’l conciertu, volveremos a venos delantre del teatru pa que puedan volver con vosotros (hora prevista 13.00 hores).

Vamos llevar toos como siempre prenda vaquera (pantalón, falda, pantalón cortu…) y la camiseta del centru. L’AMPA va facilitanos les camisetes pa los neños que nos comentaron que nun teníen. Darémosles el mesmu domingu.

Un saludu afectuosu;

Iris.

Anulación ensayu llunes 1 de xunu

Avisu a les families de los integrantes del coru “Cantar presta muncho”

El próximu llunes 1 de xunu nun vamos tener ensayu del coru, pues voi tar en Palencia col alumnáu de Sestu nel viaxe d’estudios.

Les entraes polo tanto van repartise’l vienres día 5 ente los neños qu’asistan al conciertu del Jovellanos. Recordái que son dos entraes por familia.

Un saludu.

Proyectando los medios de comunicación n’asturianu

Llegamos al final del cursu y tamién al final de la nuestra escolarización na asignatura de Llingua Asturiana na Educación Primaria.

iStock_000002099178XSmall-795394Nesti tipu tenemos aprendío munches coses sobre l’asturianu, tanto la manera d’escribilu correctamente como otres cuestiones de tipu más social.

Como propuesta final vamos realizar un proyectu de publicación n’asturianu. Pero primero, vamos ver dalgunos medios de comunicación y programes que yá esisten nesti idioma:

PERIÓDICOS DIXITALES:

Asturies.com , Asturnews , asina como dalgunos artículos y espacios n’asturianu n’otros medios como La Nueva España, El Comercio, etc.

PROGRAMES DE TELEVISIÓN:

Cantadera, Camín, Clave de fondo, De folixa en folixa, Día de mercáu, Güelos, La Bolera, La quintana de Pola, Pieces, etc.

Depués realizaremos la siguiente actividá:

1. Organizámonos en grupos de cinco, asumiendo les siguientes funciones: tres redactores, un maquetador y un coordinador.

2. Ellaboramos dellos artículos sobre la visita a Xixón: Pasáu fabril del barriu (Fábrica de Moreda y Loza y cases d’obreros), Muséu Barjola y evolución de la ciudá, Muséu Jovellanos, l’ilustráu y el barriu de Cimavilla; y l’arquitectura en Xixón.

3. Ellaboraremos un periódicu dixital ayudándonos de la ferramienta de maquetación.