Identificamos los animales de la casería

Yá sabemos como se llamen los animales de la casería, y tuvimos faciendo una ficha con dibuxos de los mesmos, pero vamos ver qué pinta tienen de verdá.

Al tiempu qu’apaecen les semeyes hai que dicir el nome del animal, ¡tar sollertes!

This slideshow requires JavaScript.

 

Usamos el Diccionariu

Acabamos repasar l’abecedariu asturianu. Agora, pa ver si lu tenemos claru, vamos ponelo en práctica col usu del diccionariu, primero físicamente y dempués per Internet.

Les páxines que podemos visitar son:

1. DALLA (Diccionariu de l’Academia de la Llingua Asturiana): Diznos qué tipu de palabra ye (axetivu, sustantivu, verbu…), el significáu y dalgunos exemplos d’usu.

2. DGLA (Diccionariu Xeneral de la Llingua Asturiana): Diznos los significaos de la palabra y en qué conceyos d’Asturies suel usase.

Diccionariu Xeneral de la Llingua Asturiana

Diccionariu Xeneral de la Llingua Asturiana

Los oficios n’imáxenes

Seguramente la más interesante serie documental sobre oficios asturianos, tema que tamos tratando en Sestu, ye la realizada nel añu 2011 por Jaime Santos nos conceyos del suroccidente asturianu. Patrocinada pol Grupu de Desarrollu Rural del Altu Narcea Muniel.los, el conxuntu de cuatro curtios documentales presentaos sol títulu de “Guardianes de la cultura rural”, retrata’l mou tradicional de trabayar el fierro, la blima, la madera o’l barru nesta zona d’Asturies.

Cunqueiros o ferreiros son les persones encargaes non solo de presentanos los sos oficios, sinón tamién de d’esponer los interrogantes que se planteguen de cara a la continuidá del so llabor.

Vamos ver esti primer documental sobre los conqueiros del conceyu de Degaña, y aprovechando vamos comentar aquelles cuestiones llingüístiques que nos llamen l’atención, rellacionándoles coles característiques de les variantes del asturianu que yá vimos l’añu pasáu, ¡a ver si somos quien!

Nota pa les families: Materiales

Estimaes families,

Infórmovos de que’l material necesariu pa l’asignatura de Llingua Asturiana esti añu ye:

- Primer Ciclu: Carpeta plásticu lisa.

- Segundu y Tercer Ciclu: Llibreta de grapa de cuadrícula.

Los neños y neñes que tienen la llibreta del añu pasáu ensin acabar, o bien la carpeta en bon usu, tamién puen aprovechala pa les clases d’esti añu.

Llibreta Segundu y Tercer Ciclu

Llibreta Segundu y Tercer Ciclu

Carpeta Primer Ciclu

Carpeta Primer Ciclu

Galería de semeyes: Entrega de premios “Ruempi la Mollera”

Esti xueves 12 de xunu l’alumnáu de Sestu acudimos al Antiguu Institutu de Xixón, a la entrega de premios del concursu nel que llevamos participando tol cursu “Ruempi la Mollera”.

Nél participaron 150 escolinos de los centros del conceyu y un total de diez escueles de la ciudá. Na entrega premios, qu’amenizó’l grupu de teatru asturianu Nun Tris, descubrimos que…

¡Quedamos terceros!

Asina que, tamos encantaos y encantaes.

Equí tenéis la galería de semeyes d’esta emocionante mañana: